Sual-Cavab

12 thoughts on “Sual-Cavab”

1. Şuadan qoruyucu eynəklərin mütəmadi istifadəsində gözə zərəri ola bilərmi?

   Cavabla

   1. Salam. Hər vaxtınız xeyir olsun. Şuadan yəni monitor şualarından qorunmaq üçün istifadə olunan eynəklərin heç bir zərəri yoxdur, istədiyiniz qədər istifadə edə bilərsiniz.

      Cavabla

2. Salam.oğlum 2 yaş 5 aylıqdır.Gözündə çəplik hiss edirik.2 ay əvvəl həkimə apardıq dediki hələ hecnə yoxdu.3 yasina kimi izləmək lazımdı.indi daha cox artıb.bunun səbəbi nə ola bilər.vəya müalicəsi necə yasdan baslamalıdır?xahis edirəm bizə bir yol göstərin

   Cavabla

   1. Salam. Əgər çəplik getdikcə artırsa bu bir az daha diqqətli yoxlanılmalıdır, boş buraxılmamalıdır. Mütləq detallı bir müayinə lazımdır.

      Cavabla

3. Hekim salam uşağın gözünun birinə sph -9… Ve o, biri gözüne sph- 8. Ve qabağına syl -1.5.150.yazilib ,bilmek isterdim bu uşağın gözü mənfi 8./ 9 du. Yoxsa mənfi 1.5

   Cavabla

   1. Salam. Hər vaxtınız xeyir olsun. Burada -8, -9 əsil dərəcədir. Astiqmatlar isə -1,5-dır. -1,5 astiqmatizmdir.

      Cavabla

4. Salam, atama toyuq korluğu diaqnozu qoyulub, gözün tamam tutulmaması , hüceyrələri qorumaq üçün qoruyucu eynəklərin olduğunu qeyd etmisiz. Bu eynəkləri necə əldə etmək olar? Sizlə necə əlaqə saxlamaq olar?

   Cavabla

   1. Salam. Eynəklərin qoruyuculuq xüsusiyyəti yoxdur. Sadəcə daha sərrast görmələrini təmin edir. Toyuq korluğu xəstəliyində pisləşməni önləmək və ya pisləşmə sürətini ləngitmək üçün kök hüceyrə əməliyyatı edilir.

      Cavabla

5. Salam Həkim,sizə bir sualım olacaq,əgər mümkün olarsa cavablamağınız xoş olar mənim üçün. Mənim görmə faizim çox aşağıdır 20-25%,bununla yanaşı Boksla məşğul oluram,sizcə davam edə bilərəm yoxsa idmanı saxlamalıyam? Təşəkkür edirəm.

   Cavabla

   1. Salam. İdmanla məşğul olmaq üçün gözün torlu qışası haqqında məlumat eləmək lazımdır. Görmə faizi idmanla məşğul olmağa bir əks göstəriş deyil, az görmək yetərli deyil. Torlu qişanın vəziyyətinə baxıb ona görə qərar verilməlidir. Əgər torlu qişada incəlmə varsa o zaman idman qadağan olunur, digər hallarda yox.

      Cavabla

6. Salam axşamınız xeyir olsun necəsiniz? Bağışlayın narahat edirəm mən taksi işləyirəm uzağı və yaxını görməmdə problem yoxdur şükür ALLAHA sadəcə olaraq axşam olanda avtomobil idarə etdikdə işıq pis təsir edir eynək aldım anti fara lazerlə yanımda yoxladı lazerin işığı bu yandan o yana keçmir eynəyi istifadə edəndə gözüm qaşınır ayışır və sulanır sizcə nədən olar ALLAHA xatir cavab yararsız İNŞALLAH

   Cavabla

   1. Hər vaxtınız xeyir.
      Sualın bir neçə yönü var:

      1. Axşamlar avtomobil idarə eləyəndə qarşıdan işıq düşür, gözdə yayınmalar olur, qamaşmalar olur. Bu nədir?
      2. Bunu necə həll eləyə bilərik?
      3. Gözdə qaşınma, göynəmə, yanma.

      1. Axşamlar avtomobil idarə eləyəndə qarşıdan işıq düşür, gözdə yayınmalar olur, qamaşmalar olur. Bu nədir?

      • Birinci mövzumuz axşamlar avtomobil idarə edərkən qarşıdan düşən işıqlar həqiqətən də gözümüzü çox narahat edir. Biri var sərnişin qismindəyik, çox məsuliyyət daşımırıq, o bizi çox narahat etməyə bilər. Amma sürücü qismində olanda məsuliyyət səndədir və çox ciddi problem yaradır. Bunun bir neçə aspekti var. Birinci, əsas aspekt Azərbaycanda avtomobillərimiz uzun müddət istifadə olunmuş avtomobil olduğuna görə… Havamız çox təmiz deyil… Yollarda toz, daş qırıntıları, kiçik şeylər çox olduğuna görə zamanla onlar dəyib avtomobilin ön şüşəsinin hamarlılığı pozulmuş olur. Yəni onların keyfiyyəti itmiş olur, cızılmış olur. Qarşıdan düşən işıq həmin cızılmış hissələrə dəyib yayılır. Önəmli bir şeydir. Bəlkə də, inandırım, şikayətlərimizin 50-60 faizi ön şüşəmizin keyfiyyətinə bağlıdır.
      • İkinci, bizim özümüzün gözümüzdə hər-hansı xırda, mikro səviyyədə bir qüsurun olmağı. Biz ona aberrasiya deyirik. Gözümüzün, buynuz qişamızın səthi nə qədər hamardır? Çünki o qarşıdan düşən işığın qamaşma effekti insandan-insana dəyişə bilər. Kimin ki, buynuz qışası daha ideala yaxın hamardırsa, o şikayətlər daha az olur. Kimin ki, buynuz qişasını çox yüngül, görməsində problem yaratmayacaq dərəcədə az nahamarlıq varsa, onlar o şikayəti hiss eləyirlər və daha çox hiss eləyirlər.
      • İşin üçüncü hissəsi, yaşla əlaqədar… Bizim gözümüzün daxilində büllurumuz var. Cavan vaxtı büllur şəffaf olur, düşən uşaqlar tam rahat keçirdə bilir. Yaş artdıqca büllurun şəffaflığı azalmağa başlayır. Büllurun şəffaflığı azalınca da düşən işıqlar yayılmağa başlayır.

      Yəni bunun 3 ana səbəb: 1) avtomobilin ön şüşəsi, 2) bizim buynuz qişamızın hamarlıq dərəcəsi. 3) bizim büllurumuzun şəffaflıq dərəcəsi.

      2. Bunu necə həll eləyə bilərik?
      Tamam, bizim büllurumuza, əgər fakoskleroz varsa, əgər şəffaflığı azalıbsa, ona hələ ki, bir şey eləyə bilməyəcəyik, buynuz qişamız nahamardırsa, ona bir şey eləyə bilməyəcəyik. Eləyə biləcəyimiz, 2 dənə ana mövzu var:

      1. İmkan daxilində əgər avtomobilin ön şüşəsi çox cızılıbsa, onu dəyişdirmək, təzələmək.
      2. Bir az bizə kömək eləyər, antifar deyilən “driver şüşələr”. Driver şüşələr nədir? Eynək şüşələrinə qoruyucu filtrlər qoyulur. O filtrlər, əvvəlkilər sarı rəngdə idi, görmə keyfiyyətini bir az azaldırdı. Amma hal-hazırda onların şəffafları çıxıb. Şəffaf driver filtrləri. Onlar qamaşmaları bir az azalda bilərlər. Amma hal-hazırda hər-hansı bir vasitə ilə onu biz yoxlaya bilmirik. Yəni bir qələm vasitəsilə, işığı salaq… Onun optikada yoxlanılan şey, UV filtri yoxlayıblar, yəni ultrabənövşəyi şüa salınır, arxa tərəfə ultrabənövşəyi şüa keçmir. Bizi axşamlar narahat eləyən ultrabənövşəyi şüa deyil. Yəni laboratoriyada test eləmişlər ki, saldı, arxaya keçmədi – o gündüz üçün faydalıdır və ya monitorlarda, kompüterdə, telefonda faydası var. Amma avtomobil istifadə edərkən onun bir faydası yoxdur. Blue block filtrinin axşamlar qamaşmanı azaltmaq üçün heç bir faydası yoxdur. O tamamilə fərqli bir filtirdir. Ona görə, eynək alanda driver filtrli eynək alınmalıdır. Onlar da tam ideal hala salmır, amma şikayətlərimizi 20-30% azalda bilir. Amma qamaşma şikayətlərimizi 20-30% azalda bilir.

      3. Gözdə qaşınma, göynəmə, yanma.
      Və işin sonuncu hissəsi: O eynəyi taxandan sonra gözümdə qamaşma, acışma, qızartı başladı. Heç bir eynək gözdə belə bir şikayət verə bilməz. Əgər bir insanda belə bir hadisə baş veribsə, sadəcə üst-üstə düşüb, o eynək taxmaq istifadəsi ilə üst-üstə düşüb. Konyunktivit əlamətləridir. Əksər hallarda da allergik konyunktivit olur. Allergik konyunktivit verə bilməz. Bu ya allergiyası var, allergiyaya bağlıdır və ya nəsə toz düşüb, ondan konyunktivit əmələ gəlib və ya soyuqdəymə olub, yüngül qrip keçirib ondan konyunktivit əmələ gəlib. Yəni acışma, qamaşma qızartı, bunlar konyunktivit əlamətidir. Bir həkimə müraciət eləsinlər, onun üçün dərman yazılsın, keçib gedəcək. Eynəklə onun heç bir əqaləsi yoxdur.

      Cavabla