Bir əvvəlki və ondan da əvvəlki yazılarımızda fərqli müayinə metodları haqqında məlumat vermişdik. Əslində o müayinə metodlarını izah etməkdə məqsədim: “Hansı xəstələrdə hansı müayinə metodlarını istifadə edirik, niyə?” sualına cavab verməkdir. Bu barədə bir az məlumat vermək istəyirəm.
Birinci qeyd etmişdik, daha çox kütləvi istifadə etmək üçün pnevmatonometriya istifadə olunur. Pnevmatonometriya rəqəmləri əgər şübhəli hal yaradarsa, yəni təzyiqimiz çox yuxarı çıxdı və ya 22-23 çıxdı və ya bəzən xəstənin baxış pozisiyası, boynunu qoyma pozisiyası, gözünü sıxma dərəcəsinə görə yanılmalar ola bilir. Yəni alətlərdə də yanılma ola bilər.
Elə olunca, eyni cihaza bir neçə dəfə təkrarlayırıq. Təzyiq yenə də yuxarı çıxsa, məsələn 23-24, bu zaman alternativ digər vasitələr istifadə edirik. Qeyd etdiyim kimi, daha çox istifadə etdiyimiz metod Goldmann applanasion tonometriyasıdır.
Amma uşaq yaşında balacalar gəlirsə və ya əlil arabasında gələn insanlar hansı ki, onları qaldırıb cihazların arxasına otuzdura bilmirik. Belə olan xəstələrdə biz iCare rebound applanasion tonometriyası istifadə edirik. Onların da rəqəmi üst-üstə düşməlidir.
Bəzən olur rəqəmlər üstə düşməyəndə artıq hansı xəstədə hansı metoda daha çox güvənə bilərik – onun qərarını veririk.
Bəzən də olur, yataq xəstələri olur. Xəstə heç cürə oturub, dikəlib, alətdə çənəsini qoyub müayinə oluna bilmir. Belə olan xəstələrdə isə, Schiotz tonometriyası istifadə olunur. Schiotz tonometriyası da, əksər hallarda, bəlkə də 98-99 faiz dəqiqliklə məlumat verən bir metoddur. Bu rəqəm bir elmi əsasa dayanmayan, şəxsi təcrübəmdir. Ən azından bizim istifadəmizdə belə olub.
Çünki o cihazlar istifadə edəndə mümkün qədər qaydalara riayət etməyə çalışırıq. Bütün bizim bu müayinələri eliyən texniki əməkdaşlarımız dəfələrlə bunun təlimini keçib və dəfələrlə bunun dəqiqlik testlərini keçib.
Bir adam eyni xəstədə 10 dəfə təzyiq ölçür: Fərq nə qədər çıxa bilər? Fərqləri minimuma endirməkdən ötrü nələr eləməliyik? Onların hamısının təlimini keçmiş oluruq əməkdaşlarımıza.
