Gözdaxili təzyiqi dəqiqləşdirmək üçün nə etməliyik?
Xəstə gəldi, müayinə olundu, pnevmatonometriya oldu, təzyiq çıxdı: yuxarı və ya aşağı, norma…
Şübhələndik və dəqiqləşdirmə ehtiyacı doğdu. Dəqiqləşdirmə ehtiyacı doğunca, əvvəlki yazılarda qeyd etdiyim kimi, fərqli metodlar, digər metodları mütləq kombinə etmək lazımdır.
Hətta, iddialı bir cümlə deyirəm:
“Bir xəstəyə sadəcə bir metodun nəticəsi əsasında qlaukoma diaqnozu qoymaq məncə doğru deyil”.
Bu bir standart deyil, amma məncə doğru deyil.
Yəni bir insana “Siz qlaukoma xəstəsisiniz!” deyə bilməkdən ötürü ən azından gözdaxili təzyiqin yüksəkliyi dəqiqləşdirilməlidir.
Biz əminik ki, gözdaxili təzyiq yüksəkdir. Gözdaxili təzyiqin yüksəkliyinə qərar verməkdən ötürü də mütləq bir neçə müayinə metodu kombinə olunmalıdır. Həm pnevmatonometriya ilə yoxlanmalıdır, həm Goldmann applansion tanometriya ilə yoxlanmalıdır.
Bu həm də klinikaların nə ilə təchiz olunmasına bağlıdır. Ola bilər hər klinikada, hər həkimlərin altında bütün müayinə metodları yoxdur. Amma məncə, ən azı ən azı, minimum 2 fərqli metod kombinə olunmalıdır.
Əksər hallarda biz bu diaqnozu qoyarkən, hələ-hələ xüsusilə gənc yaşlı insanlara bu diaqnozu qoyarkən mütləq bütün müayinə, əlimizdə olan bütün bu 4 fərqli metodun 4-nü də istifadə edib, ondan sonra qərara gəlirik və gözdaxili təzyiqin yüksək olduğuna əmin olduqdan sonra artıq diaqnozunu dəqiqləşdirib, təsdiqləmək üçün digər əlavə müayinələri aparırıq.
