Kəskin göz ağrıları

Gündəlik praktikada çox rast gəlirik. Pasiyentlər zəng edir və ya müayinəyə gəlirlər: “Doktor, gözüm dəhşət ağrayır!” O “dəhşət ağrıyır” sözünü elə vurğulayaraq deyirlər ki?! 

Düzdür, dəhşət göz ağrısı verəcək göz patologiyaları var. Əslində, bir az danışmışıq vaxt olduqca gələcəkdə də danışacağıq. Amma bu “dəhşət göz ağrıları” şikayətinin təxminən 80 faizinin altında, əslində, göz problemi yatmır, sinir problemi yatır. Bu mövzunu paylaşmaqdakı məqsədim, pasiyentlər bu ağrı mövzusu olunca onu fərqləndirə bilsinlər, differensasiya etsinlər. 

Gözdə qızartı yoxdursa nevropatoloqa müraciət edin

Ümumiyyətlə, “dəhşətli göz ağrısında” mütləq göz qızartısı olmalıdır. Əgər gözdə ağrı varsa, amma gözün özünə baxırıq güzgüdə qızartı yoxdursa, böyük ehtimal bu gözə bağlı deyil. Yəni pasiyentlər bu ağrının səbəbini başqa yerdə axtarmalıdırlar. 

Pasiyentlər boş yerə vaxt itirməsinlər

Əksər hallarda nə olur: “Doktor, gözüm dəhşət ağrıyır. Bir həftədir vaxt tapıb müayinəyə gələ bilmirəm.” Bir həftədən sonra müayinəyə gəlir, baxırsan ki, gözə aid bir mövzu deyil, fərqli bir mövzudur. Əsas da fərqli mövzu nə olur? Nevrogen mənşəli olur. Xəstə bir həftə göz həkimi müayinəsi üçün gözləyir. Ağrıları təkrar nevropatoloqa getməyə ehtiyacı doğurur. Bir neçə gün də nevropatoloqu gözləyir. Yəni belə olan hallarda əgər gözdə qızartı yoxdursa, tövsiyəmiz birinci nevropatoloqa müraciət etmələridir. 

Səbəb adətən “üçlü sinir ağrısı” olur

Nevroloji ağrıların səbəbi əksər hallarda yenə “üçlü sinir ağrıları” olur. Üçlü sinirin üç şaxəsi var: birincisi, gözə gələn qaş tərəfdən, kəllədən çölə çıxır, üst damaq və alt damaq şaxələri var. Həmin bu şaxələr iltihablanır, iltihablanma nəticəsində dəhəqiqətən də dözülməz ağrılar verir. 

Belə hallarda ilkin olaraq ağrıkəsici, isti kompres və vaxt itirmədən nevropatoloqa müraciət etmələrini tövsiyə edirik. 

Gözdəki problemlərin əksəriyyəti qızartı ilə müşahidə edildiyinə görə qızartı yoxdursa, birinci nevropatoloqa müraciət etmələrini tövsiyə edirik.