Eksimer lazerdə yaş məhdudiyyəti

Eksimer lazerdə yaş məhdudiyyəti varmı?

Eksimer lazer üçün bir neçə kriterilər var. Əlbəttə, onlardan bir dənəsi yaşdır. Bizim əsas yaş sərhədimiz 18 yaşdır.

18 yaş niyə önəmlidir?

Eksimer lazerdə minimum yaş 18 yaşdır

Əksər hallarda insanların 80 faizində 18 yaş ərəfəsində artıq orqanizm inkişafının formalaşmağı tamamlanmış olur. Əgər orqanizmin formalaşması tamamlandısa, bu, o deməkdir, artıq bundan sonra gözün ölçülərində, dioptriyalarında bir dəyişiklik olmayacaq. Amma çox nadir hallarda 18 yaşı keçmiş olsa belə pasiyentlər, rəqəmlər dəyişə bilir.

Hüquqi yaşımız bizim 18 yaşdır. Yəni, 18 yaşın altında eksimer lazer əməliyyatları tövsiyə etmirik. 

Eksimer lazerdə maksimum yaş məhdudiyyəti

Yuxarı sərhədi yoxdur. 18 yaşdan yuxarı: 30 yaş, 35 yaş, 40 yaş… Əlbəttə ki, orada əlavə kriterilər baxımından nəticə dəyişə bilir, amma yuxarı sərhəd baxımından bizim dediyim kimi, yaş məhdudiyyəti yoxdur.

18 yaşdan əvvəl edilən Eksimer lazer əməliyyatları

Çox nadir hallarda yaş 18 olmadan da əməliyyat icra etmək məcburiyyətində qalırıq. Bunun ana səbəbi “anizometropiya”dır. Yəni, 2 göz arasında dərəcə fərqi. Xəstənin bir gözündə mənfi 2-dir, bir gözündə mənfi 11-dir, misal üçün. Belə olan hallarda bu pasiyentlər eynək taxa bilmirlər. Eynək taxmaq üçün eynəkdə 2 gözün bərabər işləyə bilməsi üçün 2 göz arasında fərq 2 dioptriyadan artıq olmamalıdır. 

Yəni sağ gözdə, məsələn, mənfi 2-dirsə, sol gözdə 11 olduğu halda belə mən ancaq 4-4,5 ancaq verə bilirəm. 4,5 verincə bu göz yenə də işləmir. Yəni, 11 olan bir göz 4 yarımla yenə də işləməyəcək. 

Biz eynəyi taxırıq, bizə elə gəlir ki, eynək taxdıq sanki müalicəmizi alırıq, amma eynəkdə belə yenə də sol göz işləmir, yatır, tənbəlləşir və çəpləşir.

Digər halda, məsələn, bəzən oldu bir göz mənfi 2, bir göz mənfi 7, eynək yazdıq, uşaq eynəyi taxır mənfi 2-ni, mənfi 7-ni. Belə halda belə yenə də, sağ gözü bağlayanda sol göz işləyir, amma sağı açanda sol yenə də işləmir. Beyin 2 gözü bir yerdə işlətmədiyinə görə sol göz yenə də tənbəlləşir və çəpləşmə ilə nəticələnə bilər.

Belə olan hallarda əgər kontakt linza istifadəsinə əks göstəriş varsa və dediyim kimi iki göz arasında fərq 2 dioptriyadan çoxdursa, 18 yaş tamam olmadan da uşağın gələcəkdə “binokulyar görmə pozuntusu” olmasın deyə Eksimer lazer, bu, əlbəttə ki, xüsusi hallardır, Eksimer lazer əməliyyatı icra etmək olur. 

Belə bir problem yoxdursa, biz 18 yaşı keçib, ondan sonra əməliyyatı planlaşdırırıq.

Ən az neçə yaşda eksimer lazer əməliyyatı olar?

Nə qədər aşağı yaşlar ola bilər? 

Buradakı sərhəd, əlbəttə ki, əməliyyat bizdə damcı ilə icra olunur, narkoz olmur… Ona görə bu əhəmiyyət vaxtı uşağın anlaqlı olması, yəni həyəcanlı olmaması, hadisəni başa düşməsi və əməliyyat vaxtı bizim əmrlərimizi yerinə yetirməsi: “Qırmızı işığa bax, yaşıl işığa bax, düz bax…” bu şəkildə əmirlərimizi icra etməsi önəmlidir. 

Əlbəttə ki, yenə də hər uşağın inkişaf periodu və psixoloji sağlamlığı fərqli olur. 9, 10 yaşlardan sonra da bu əməliyyatları dediyim kimi, belə xüsusi hallarda bu Eksimer lazer əməliyyatları icra oluna bilir.